DAAWO VIDEO:Gabadh Reer Soomaliland Iyo Madaxweynaha Rwanda Maxaa Kala Qabsaday?

Suhuur Fatxi Mukhtaar oo fursad u heshay inay ka mid noqoto dadka sida tooska ah su’aalo u weydiinayey Madaxweyne Paul Kagame, ayaa waxay iyadoo shucuurteedu ay aad u sarreyso tidhi “Magacaygu waa Suhuur waxaan ka imid dal la yidhaahdo Somaliland. Waxaanan kaaga mahad-celinayaa sidaad halkan (Ruwanda) noogu soo dhaweysay. Waxaan ku faraxsan nahay inaan halkan kuugu soo qadimayaa codsi ee kuma weydiinayo su’aal”.

“Sidaas darteed, waxaannu kaa codsanayaa adiga (Madaxweynaha Ruwanda) inaad aqbasho dalabkayaga oo aad na aqoonsato” ayey tiri Suhuur Fatxi Mukhtaar.

Madaxweynaha Rwanda Paul Kagame oo isaguna ka jawaabayey soo jeedinteeda ayaa waxa uu yiri “Waxaan u malaynayaa inaad ii dirayso shaqo adag. Waayo waxa jira shuruuc caalamiya oo jidaynaya qaabka loo aqoonsanayo dawlad ama dal, waxaan filayaa inaad arrintaas u halgamaysaan ilaa aad ka xaqiijinaysaan oo gaadhaysaan qaddiyadiinna”.

“Waxaad muddo ka tirsanaan jirteen Soomaaliya, intaas kadib tiro dambiyo ah ayaa dhacay sax iyo khalad waxay doonaan ha noqdeene’ markaa waxaad bilowdeen inaad noqotaan Somaliland”. 

Wuxuuna intaas kusii daray “Waxaad leedihiin waxaannu doonaynaa inaanu xor ahaano. Xukuumaddii Federaalka Soomaaliyana waxay leedahay ‘maya annaga ayaad naga mid tihiin’ markaa sidaad sheegtay waxay noqonaysaa inaad hawlihiina wadataan wax kasta oo ay noqonayso”.

Hoos Ka Daawo

Sharing is caring!

Aragtidaada Noogu Soo Dir

Emailka:Saxafi12@gmail.com

Be the first to comment

Leave a Reply

Your email address will not be published.


*