DAAWO VIDEO: Deni oo Saxiibkiisa loo Doortay Gudoomiyaha Barlamaanka Iyo Casuumad Deg Deg U Sameeyey

Xili Maanta loo Doortay Gudoomiyaha Barlamaanka Puntland Cabdirashiid Yuusuf Jibriil Cawl oo La Aamin san yahay Inuu Yahay Saxiibka Madaxweynaha Puntland Deni

Cabdirashiid Yuusuf Jibriil ayaa maanta loo doortay Gudoomiyaha Baarlamaanka Puntland, 47 cod ayuu kaga guuleystay Xildhibaan Cabdi Jamaal Maxamed Cusmaan oo wareega ugu danbeeyay ee doorashada ay ku tartameen.

Cabdirashiid ayaa siyaasada soo galay bilawgii doorashadii 2014, waxa uu ahaa qurba joog muda dheer ku noolaa Wadanka Denmark, waxa uuna markii danbe usoo guuray Magaalada Brigmiham ee Dalka Uk, waxaana aad loogu xasuustaa heeso iyo suugaan kala duwan oo u sameeyay Dawlada Puntland iyo kuwa kale oo ku dhaliilayay Madaxdii Markaas taladda haysay, sidoo kale waxa uu aad usoo shaacbaxay xiligii olalaha doorashada Puntland 2014 isaggoo taageero wayn u ahaa Madaxweynihii hore ee Puntland.

Doorashadii Cabdiweli Gaas ka dib waxaa loo magacaabay Agaasimaha Xafiiska Warfaafinta Madaxtooyada Puntland, marka laga yimaado shaqadiisa haddana waxa uu ka mid ahaa dadka saamaynta xoogan ku leh Madaxtooyada aadna uga agdhawaa Madaxweyne Gaas.

Cabdirashiid Tartan adag oo uu galay 2019 ayuu nasiib u helay in uu ka mid noqdo baarlamaanka Puntland isagoo kasoo galay Gobolka Sanaag, waxaana xusid mudan in kursiggaaas uu mudo dheer ku fadhiyay Gudoomiyihii Hore Axmed Cali Xaashi oo laba jeer golaha baarlamaanka Puntland soo hoggaamiyay, Cabdirashiid waxa uu shaaciyay in uu sharaxan yahay Gudoomiyaha doorashadii 2019, waxa uuna ku haray Wareega Koowaad.

Doorashada Wax Yar Kadib Madaxtooyada Ayaa Casuuntay Gudoomiyaha Cusub.

Madaxweynaha Puntland Siciid Cabdullaahi Deni ayaa maanta Qasriga Madaxtooyadda Puntland ee Garoowe ku qaabilay Guddoomiyaha Cusub ee Baarlamaanka Puntland ee maanta doortay Cabdirashiid Yuusuf Jibriil Cawl.

Halkani Hoose Video Ka Daawo

Madaxweynaha Siciid Cabdullaahi Deni ayaa u hambalyeeyay Guddoomiyaha Cusub ee Baarlamaanka, wuxuuna illaahay uga baryey inuu u fududeeyo xilka loo igmaday.

Sidoo kale Madaxweyne ku-xigeenka Puntland Mudane, Axmed Cilmi Cismaan Karaash oo isna qaabilay Guddoomiyaha cusub ee Baarlamaanka  Puntland Mudane, Cabdirashiid Yuusuf Jibriil Cawl, ayaa ugu hambalyeeyay xilka loo doortay.

____________________________________________________

Sharing is caring!

Aragtidaada Noogu Soo Dir

Emailka:Saxafi12@gmail.com

 

Be the first to comment

Leave a Reply

Your email address will not be published.


*