Maamulka Soomaliland”Qofkii Muqdisho Aada Dib Hargeysa Uguma Soo Laaban Karo”

Xukuumada Somaliland ee uu hogaamiyo Madaxweyne Muuse Biixi Cabdi ayaa maanta ka hadashay Siyaasiyiinta iyo dhalinyarada reer Somaliland ee u safra caasimada Soomaaliya ee magaalada Muqdisho.

Somaliland ayaa sheegtay in Siyaasiyiinta iyo dhalinyarada reer Somaliland ee u safra Muqdisho, aysan waxba ka badaleyn qadiyada Somaliland ee gooni isku taaga.

Guddoomiyaha golaha wakiillada Somaliland  Baashe Maxamed Faarax, oo arrintaasi ka hadlayay ayaa sheegay in aan loo dulqaadan doonin Shaqsiyaadkaasi, isla markaana ay xukuumadu marin doonto shuruucda dalka.

“Madax ha ahaado ama Madax-dhaqameed ha noqdo ama Siyaasi ha noqdee qofka Qaranimada Somaliland ka soo horjeeda waxa la marinayaa Shuruucda Dalka u taalla, loona dul-qaadan maayo” ayuu yiri Guddoomiye Baashe.

Wuxuuna intaas kusii daray Guddoomiyuhu “Xisbiyada Qaranka waxaynu u samaysanay inaynu Qabiilka kaga tagno, Wixii dhexdeena ah waa loo dul-qaadanayaa, laakiin waa lama taabtaan Qaranimada Somaliland”.

“Qof dhalinyaro ah iyo Siyaasi Xamar tagaa wuxuu ka beddelayo Somaliland ma jirto, Qaddiyadda Somaliland-na iyaduna waa lama taabtaan” ayuu sii raaciyay hadalkiisa.

____________________________________________________

Sharing is caring!

Aragtidaada Noogu Soo Dir

Emailka:Saxafi12@gmail.com

 

Be the first to comment

Leave a Reply

Your email address will not be published.


*