DAAWO:- Cabsi laga qabo in 2021 Somalia uu Madaxwayne ka noqdo sargaal katirsan Alshabaab

Maxamuud Cabdullahi Sh.Siraaji oo ka mid ah Golaha shacabka ayaa ka digay in doorashada soo socota ay Baarlamaanka ka buuxsamaan Al-shabaab, sidoo kalena xildhibaanno noqdaan.

Xildhibaanka oo ka hadlay Golaha shacabka gaar ahaanna habka ay noqoneyso doorashada soo socota ayaa sheegay in haddii lagu laabto doorashadii ergooyinka ee dhacday 2016 ay suuragal tahay in la doorto Xildhibaanno AL-shabaab ah, ama ay Xildhibaannada doortaan Madaxweyne raacsan AL-shabaab.

Maxamuud Cabdullahi Sheekh Siraaji ayaa ka digay in doorashada ergooyinka lagu laabto,waxaana uu soo jeediyay in la qaato doorashada qof iyo cod.

Waxaa uu ku dooday in la beddelo nidaamkii hore isaga oo shaki ka muujiyay ergooyinkii ay u yeereen AL-shabaab oo uu sheegay in qorshaha doorashada qeyb ka noqon karaan Al-shabaab.

Xildhibaan Siraaji ayaa waxaa uu yahay Guddoomiyaha Guddiga Maaliyadda Golaha shacabka Soomaaliya,waxaana hadalkan uu ka sheegay kulan ay golaha uga doodayeen xeerka doorashooyinka ee ay Guddiga Xildhibaanada Golaha shacabka ee doorashooyinka soo diyaariyeen.

HALKAAN KADAAWO

LEAVE A REPLY

Please enter your comment!
Please enter your name here