Raiisal Wasaare Kheyre oo soo saaray Awaamir la doonayo in laga dhaqan geliyo deegaano katirsan Puntland iyo Galmudug.

Ra’iisul Wasaaraha Xukuumadda Federaalka Soomaaliya ayaa maanta oo Khamiis ah guddoomiyey shirkii Golaha wasiirraddu ku yeesheen Muqdisho.

Ra’iisul Wasaare Xasan Cali Kheyre ayaa amray Guddiga gurmadka Fatahaadaha in ay wax ka qabtaan xaaladda gobolka Gardafuu ee Puntland iyo degmada Afgooye oo ay roobab daadad wata saameeyeen.

Sidoo kale Ra’iisul Wasaare Xasan Cali Khayre ayaa soo dhoweeyay heshiiska dowladda Federaalka iyo Ahlusunna ka gaareen dhismaha Galmudug loo dhanyahay, wuxuuna bogaadiyay tanaasulka ay sameeyeen dhinacyada Galmudug.

Dhanka kale Golaha wasiirradda Soomaaliya ayaa meel mariyey hindise-sharciyeedka difaaca qaranka Soomaaliyeed oo golaha usoo gudbisay Wasaaradda difaaca.

Sidoo kale Golaha wasiiradda ayaa ansixiyay xeerka cafiska dadka dowladda isku soo dhiiba, xeerka hey’adaha aan dowliga aheyn iyo siyaasadda shaqo abuurka qaranka oo ay soo diyaariyeen wasaaradaha qorsheynta iyo shaqada.

Shirka intii uu socday ayaa taliyaha ciidanka Booliska Soomaaliyeed waxa uu Golaha Wasiirrada warbixin faahfaahsan ka siiyay weerarkii hotelka SYL.

Golaha wasiirrada ayaa iyana dhankooda bogaadiyey dadaalka laamaha amnigu ku badbaadiyeen dadka shacabka ah ee ku jiray hotel SYL.

-----------------------------------------------------

Sharing is caring!

Aragtidaada Noogu Soo Dir

Emailka:Saxafi12@gmail.com

 

Be the first to comment

Leave a Reply

Your email address will not be published.


*