SAWIRO Degdeg:- Alshabaab oo laga qabsaday magaaladii ugu muhiimsanayd + Madaxii maxkamada oo la qabtay.

Ciidanka Xoogga dalka ayaa goordhow la wareegay deegaanka Toor-Toorow ee Gobolka Shabeelaha Hoose sida lagu sheegay war ka soo baxay Dowladda Faderaalka Soomaaliya.

War goor dhaw lagu daacay Warbaahinta Dowladda ayaa lagu sheegay in Ciidanka sida gaar ah u tababaran ee Dana ay la wareegeen deegaanka Toora-Toorow iyo Degaana hoostaga isla markaana wali howl galku socdo.

“Ciidanka sida gaarka u tababaran ee Danab ayaa la wareegay gacan ku heynta deegaanka Tooratoorow ee gobolka Shabellaha hoose iyo deegaano kale oo hoos taga sidoo kale waxaa ay ciidanku gacanta ku dhigeen horjoogihii ugu sareeyay maxkamadda argagixisada ee deegaankaas” ayaa lagu yiri qoraalka lagu daabacay warbaahinta Dowladda.

Saraakiisha Dowladda ayaa laga soo xigtay in ay gacanta ku dhigeen Sarkaal Al shabaab u qaabilsanaa Maxkamada deegaanka Toora-Toorow ee Gobolka Shabeellaha Hoose.

Qoraalka waxaa lagu sheegay sidoo kale in Ciidamo ay bur buriyeen saldhigyo ay Al Shabaab ku lahaayeen deegaanka Toora-Toorow iyo deegaano kale oo hoos yimaada.

“Ciidamada weli waxa ay wadaan howlgalka iyadoo la bur burinayo xarumihii argagixisada ay ku lahaayeen Tooratoorow” Ayaa lagu soo Xiray warka lagu daabacay Warbaahinta Dowladda Soomaaliya.

Al shabaab oo Maxkamad ku lahaa deegaanka Toora-Toorow ee Gobolka Shabeelaha Hoose kama aysan hadlin weerarka ay Dowlada Faderaalka Soomaaliya ay sheegtay in ay kula wareegtay deegaanka Toora-Toorow.

-----------------------------------------------------

Sharing is caring!

Aragtidaada Noogu Soo Dir

Emailka:Saxafi12@gmail.com

 

Be the first to comment

Leave a Reply

Your email address will not be published.


*